本文保留 2026 年 8 月的歷史練習統計；其中 1,266 題及 21 組個案是當時記錄，並非現時題量。2026-09-27 核對：現時題庫有 1,365 題、30 組個案。歷史分項題數合計與當時總數相差 1 題，未經原始快照重算，不應視為精確庫存表。
練習正確率可以幫助分配溫習時間，但不能推算官方考試合格率。我哋改用自己嘅第一手數據答呢條問題：10分鐘EAQE 題庫 1,266 條試題，累計 48,624 次真實作答紀錄（453 部裝置），每筆帶對錯結果。
統計口徑：以下每筆都係用戶喺 app 內嘅一次實際作答，並帶有對錯結果；「練習正確率」＝答啱次數 ÷ 總作答次數。練習可以重做、可以睇解析，不能直接推算真實考試表現。呢啲數字反映本題庫原創試題嘅練習難度，並非官方合格率、獨立考生人數或真實試題統計。
全庫總覽：平均 65.2%，只高過合格線 5 個百分點
| 範圍 | 題數 | 真實作答 | 練習正確率 |
|---|---|---|---|
| 獨立題（對應第一部份） | 941 | 38,233 | 64.6% |
| 個案題（對應第二部份，21 組） | 324 | 10,391 | 67.7% |
| 全題庫 | 1,266 | 48,624 | 65.2% |
合格線係 60%，而且兩部份要分別達標。喺可以重做、可以睇解析嘅練習環境之下，平均都只係 65.2%——這只能用作安排溫習的參考，不能推算個別考生的合格機會。
九大課題難度排名（真實正確率，由弱至強）
| 排名 | 課題 | 題數 | 作答 | 正確率 |
|---|---|---|---|---|
| 1 | 其他規管地產代理實務的法律及物業轉易程序 | 121 | 5,105 | 58.7% |
| 2 | 香港的地產代理行業 | 11 | 877 | 59.5% |
| 3 | 《地產代理條例》及附屬法例（題量最大） | 202 | 11,103 | 62.2% |
| 4 | 有效管理地產代理業務和營業員 | 63 | 1,068 | 63.0% |
| 5 | 樓宇知識、物業分類及物業管理 | 54 | 2,557 | 63.8% |
| 6 | 物業估價的原則和實務 | 40 | 933 | 64.0% |
| 7 | 土地註冊制度、土地查冊及物業資料系統 | 113 | 5,418 | 65.3% |
| 8 | 租契及租約事宜 | 83 | 3,825 | 69.6% |
| 9 | 執業通告 | 254 | 7,347 | 70.2% |
三個溫習啟示
- 最弱嘅一片唔係《地產代理條例》本身，係佢以外嗰堆法例。「其他規管法律及物業轉易程序」（失實陳述、不合情理合約、一手住宅物業銷售條例、物業轉易程序等）58.7%，係本次統計正確率最低嘅課題。呢啲題問嘅係「呢個情境觸唔觸犯」，唔係「第幾條寫咩」。
- 題量最大嘅兩個課題一難一易。《地產代理條例》及附屬法例 202 題、正確率 62.2%（偏難）；執業通告 254 題、70.2%（全庫最穩）。時間有限就先攻條例，執業通告用嚟保底。
- 個案題唔係想像中咁得人驚。21 組個案演練平均 67.7%，高過獨立題嘅 64.6%——難嘅唔係讀文件，係第一次見查冊唔知睇邊度。組間差異由 62.5% 到 77.0%，轉讓限制、失實廣告、聯權共有人身故呢類情境最多人錯。
數據說明
數據截至 2026 年 8 月，統計自 10分鐘EAQE 題庫 learning_progress 真實作答紀錄（非獨立考生人數），本文保留當時統計，未按新增作答重新計算。本題庫為原創模擬練習題，不含任何官方試卷內容；考試制度資料見EAQE 同 SQE 全攻略，並以地產代理監管局（eaa.org.hk）最新公布為準。
